Það er kalt núna í morgunsárið, ekki nema 10 stiga hiti og það fer kannski í 15 í dag ef vel gengur en það  á að rigna. Ég ætlaði að eyða helginni í að hreinsa til í garðinum mínum því hér bíður allt draslið eftir mér, en kannski fer ég eftir hádegi ef hann rignir ekki alltof mikið, eða kannski bíð ég til morguns þegar hann á að stytta upp og hlýna. Ég klára þetta náttúrulega ekki á einum degi, ég þarf nokkra daga til að hreinsa enda lóðin hátt í einn hektari, sem betur fer er stærsti hlutinn skógi vaxinn en stórt er samt svæðið sem þarf að hreinsa, sérstaklega þegar ég horfi út!